.

.

اضحك مع العالم ولانيب مسرور ......
واحشم عيونن لجل عين محشومه
.
.
شاعر ولي مبدا ولابه وجمهور.......
والبيت تعرف صاحبه من وسومه
.
.
الصبر زين وكلمه الرجل دستور .......
والعقل هو المحكمه والحكومه
.
.
لازم تمد الشور واتبادل الشور ......
واللي حمل همك تحمل همومه
.
.
النور نور ولايغطى على النور ......
والناس فيها المعطيه ومحرومه
.
.
والرجل ماهو بسلم الاجواد مجبور .......
ان خالفوا سلمه يطبق سلومه
.
.
السلم يفرق لاكن العيب مخبور .......
عند القبايل به امور محسومه
.
.
تبي تروح عصور وتواجه عصور .......
والستر جعل الله علينا يدومه
.
.
تبي تزور قبور وتزار مقبور .......
والرجل يبقاله عمله وعلومه
.
.
الكسب قطن وخامن ابيض وكافور .......
من عقب ما ظاق الكبت من هدومه
.
.
يب يرفع المصحف قبل نفخه الصور .......
والضبعه العرجا تجيك معزومه
.
.
يالله عسى ذنب الاجاويد مغفور ......
والا الردايا جعل بالنار كومه
.
.
الطيب كايد والليالي بها جور ......
تلقى الفقارى بالحقوق مهضومه
.
.
الطيب كايد والليالي بها جور ......
تلقى الفقارى بالحقوق مهضومه
.
.
.
اليا فعلك قول تسلم ومشكور ......
ذي قدرته عسى تفرج همومه
.
.
ادري بغث صدور وافرح صدور .......
والراس ماهو طايرن قبل يومه
.
.
احدن قبل طيحتك سندا وباكور ......
واحدن تطيح ولافزعلك بقومه
.
.
من ماكر النادر تبي تطلع صقور ......
وجحر الذيابه ماطلع منه بومه
.
.
الصبر زين وكلمه الرجل دستور ......
واحشم عيونن لجل عين محشومه اخووكم ذيب الذياابه ابن هتيمي ناصر فيصل <<

شخبااااركم عياال الاهتيمي واحشينه واتمنى منكم مزيد من القصايد واتحداكم واحد واحد بالقصيد واللي كفووو يوواجهني بقصيده مو غرررور بس واقع

؟؟؟

السلام عليكم عيال الهتيمي وسلام لهل حسرات صح الله لسانك رشيد الهتيمي قصايدك حلوه عن جد وسلام لناصر الهتيمي انت شاعر وقصيتك حلوه بس لاحضت بها بيت والضبعة العرجا تجيك معزومه انت كانك مستوحيه من قصيده لمحمد بن فطيس واتمنى لكم كل التوفيق ونقرا لكم مزيد من القصايد مع تمنيات التوفيق الحارثي بن طي